მთავარი,სიახლეები

მარიუპოლის მცველების ცოლები და დედები ერდოღანთან შესახვედრად გაფრინდნენ თურქეთში

15.05.2022 • 1889
მარიუპოლის მცველების ცოლები და დედები ერდოღანთან შესახვედრად გაფრინდნენ თურქეთში

მარიუპოლში, „აზოვსტალის“ ქარხანაში მყოფი ჯარისკაცების ცოლები და დედები სტამბოლში გაფრინდნენ თურქეთის პრეზიდენტის, რეჯეფ თაიფ ერდოღანთან შესახვედრად.

უკრაინული მედიის ცნობით, ისინი აპირებენ მადლობა გადაუხადონ ერდოღანს გაწეული ჰუმანიტარული დახმარებისთვის და სთხოვონ, გააერთიანოს ძალისხმევა, ჩინეთის პრეზიდენტთან, სი ძინპინთან, „აზოვსტალში“ მყოფი ჯარისკაცების გადასარჩენად.

ქალებმა თურქეთში გამგზავრების წინ ფეისბუქგვერდზე მოკლე ვიდეომიმართვა გამოაქვეყნეს.

კიშინიოვისა და ვარშავის აეროპორტებიდან გაემგზავრნენ: 36-ე საზღვაო ქვეითი ბრიგადის ჯარისკაცის ცოლი ოლგა ბოიკო, პოლკ „აზოვის“ სპეცრაზმის ჯარისკაცის ცოლი, ნატალია პეტროვა, მესაზღვრის ცოლი ოლგა კეროდი და „აზოვის“ მებრძოლის დედა ნატალია კრავცოვა.

______________

ევროპის ერთ-ერთი ყველაზე დიდი მეტალურგიული ქარხანა „აზოვსტალი“ უკრაინის ქალაქ მარიუპოლში მდებარეობს, რომელიც რუსების ალყაში იმყოფება. მარიუპოლში ჯერჯერობით იბრძვის „აზოვის პოლკი“, რომელიც „აზოვსტალის“ მიწისქვეშა გვირაბებშია გამაგრებული და  რამდენიმე დღეა, რუსეთის შეიარაღებული ძალები მათ აქტიურად უტევენ.

გასულ კვირას ჰუმანიტარული დერეფანი მოეწყო და „აზოვსტალის“ ტერიტორიიდან გაიყვანეს ბავშვები, ქალები და მოხუცები. მედიის ინფორმაციით, ამ დროსთვის ქარხნის ტერიტორიაზე ისევ რჩებიან დაჭრილი სამხედროები და „აზოვის“ ჯარისკაცები.

 

 

გადაბეჭდვის წესი


ასევე: