ბათუმში, ფარნავაზ მეფის ქუჩა, გრიბოედოვისა და ლერმონტოვის ქუჩებს შორის მონაკვეთში, უკვე გადაიკეტა. ამ ქუჩაზე ქვაფენილს აყრიან და ასფალტ-ბეტონის საფარს დააგებენ.
სამუშაოების გამო ქუჩის სხვადასხვა მონაკვეთი ეტაპობრივად გადაიკეტება, თუმცა რა პერიოდულობით, მერიაში ვერ გვეუბნებიან: „ქუჩის მონაკვეთების გადაკეტვის დრო დამოკიდებულია მიმდინარე სამუშაოებზე“.
ბათუმი, ფარნავაზ მეფის ქუჩა / 11.05.2022 /
ბათუმში, ფარნავაზ მეფისა და გორგასლის ქუჩებზე [გრიბოედოვიდან ბარათაშვილამდე მონაკვეთში], ქვაფენილს აყრიან და მის ნაცვლად ასფალტ-ბეტონის საფარს დააგებენ:
ფარნავაზ მეფის ქუჩის [ალ. გრიბოედოვის ქუჩიდან ნ. ბარათაშვილის ქუჩამდე] კეთილმოწყობაზე – ზურაბ გორგილაძის ქუჩაზე მიერთებებით; ასევე, ვახტანგ გორგასლის ქუჩის [ალ. გრიბოედოვის ქუჩიდან ნ. ბარათაშვილის ქუჩამდე] კეთილმოწყობაზე – ფარნავაზ მეფის ქუჩაზე მიერთებებით, ხელშეკრულება შპს „ბონდი-2009“-სთან 3 659 056 ლარზეა გაფორმებული.
სამუშაოები ორივე ქუჩაზე და მიერთებებზე 2023 წლის 20 ივნისის ჩათვლით პერიოდში უნდა დასრულდეს.
მერიის კეთილმოწყობის სამსახურში „ბათუმელებს“ უთხრეს, რომ სამუშაოების გამო ორივე ქუჩა [ფარნავაზ მეფისა და გორგასლის] ერთდროულად, სავარაუდოდ, არ ჩაიკეტება.
ფარნავაზ მეფის ქუჩის გადაკეტვამდე ქალაქის მერიამ გაავრცელა განცხადება ქალაქში მოძრავი მიკროავტობუსების მარშრუტების ცვლილების შესახებ:
ფარნავაზ მეფის ქუჩაზე მოძრავი სამარშრუტო მიკროავტობუსები: N24, N29, N31, N34, N36 და N40 იმოძრავებენ გორგასლის ქუჩით, ხოლო გორგასლის ქუჩაზე მოძრავი მიკროავტობუსები: N20, N21, N25, N27, N39, N42, N49 და N56 – პუშკინის ქუჩით.
ამ თემაზე:
ფარნავაზ მეფის ქუჩაზე მოძრაობა დროებით ჩერდება – მიკროავტობუსების მარშრუტი იცვლება
გარემოს დაცვისა და ბუნებრივი რესურსების პარლამენტის კომიტეტის თავმჯდომარე მაია ბითაძე აცხადებს, რომ სატრანსპორტო პოლიტიკა ბათუმშიც უნდა მოწესრიგდეს:
სატრანსპორტო პოლიტიკა ბათუმშიც უნდა მოწესრიგდეს – მაია ბითაძე
