Batumelebi | ოჯახის ექიმებისა და ექთნების ანაზღაურება ეტაპობრივად გაიზრდება – ჯანდაცვის მინისტრი ოჯახის ექიმებისა და ექთნების ანაზღაურება ეტაპობრივად გაიზრდება – ჯანდაცვის მინისტრი – Batumelebi
ნეტგაზეთი • RU

ოჯახის ექიმებისა და ექთნების ანაზღაურება ეტაპობრივად გაიზრდება – ჯანდაცვის მინისტრი

„ქვეყანაში დაწყებულია პირველადი ჯანდაცვის რეფორმა, რომლის ფარგლებში დაგეგმილია ოჯახის ექიმებისა და ექთნების შრომითი ანაზღაურების ეტაპობრივი გაზრდა“, – განაცხადა ჯანდაცვის მინისტრმა ზურაბ აზარაშვილმა დღეს, 11 მაისს, საქართველოს პარლამენტში სიტყვით გამოსვლისას.

ჯანდაცვის სამინისტროს პირველადი ჯანდაცვის (პჯდ) რეფორმის გზამკვლევის ძირითადი ეტაპები 2022-2025 წლებს მოიცავს. დოკუმენტის თანახმად  ექიმებისა და ექთნების ანაზღაურების გაზრდა და მინიმალური ხელფასის დაფიქსირება პროგრამაში 2022 წლის მეორე ნახევრიდან არის დაგეგმილი.

აზარაშვილის თქმით, რეფორმის ფარგლებში, გავრცელებული ქრონიკული დაავადებების მართვის გაუმჯობესებისთვის, მოხდება დიფერენცირებული – გაზრდილი კაპიტაციური დაფინანსების ამოქმედება, ტელემედიცინის შესაძლებლობების ფართოდ გამოყენება და დაფინანსების მექანიზმების მოდიფიცირება პაციენტისთვის ხარისხიანი მომსახურების გაწევისთვის.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან