გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 6 მაისის 21 საათიდან 7 მაისის 21 საათამდე აჭარაში მოსალოდნელია ცვალებადი მოღრუბლულობა, ღამით – უმეტეს რაიონებში, დღისით კი ზოგან დროგამოშვებით წვიმა.
იქროლებს ცვალებადი მიმართულების ქარი 10-15 მეტრი წამში.
ჰაერის ტემპერატურა სანაპირო რაიონებში იქნება:
- დღისით: 15 – 20 გრადუსი
- ღამით: 8 – 13 გრადუსი
შიდამთიან რაიონებში მოსალოდნელია:
- დღისით: 13 – 18 გრადუსი
- ღამით: 5 – 10 გრადუსი
სინოპტიკოსების ცნობით, მომდევნო 2 დღეს, 8-9 მაისს, აჭარაში დროგამოშვებით წვიმაა მოსალოდნელი.