მთავარი,სიახლეები

ამერიკელები უკრაინელ სამხედროებს ამზადებენ გერმანიაში – პენტაგონი

30.04.2022 • 1581
ამერიკელები უკრაინელ სამხედროებს ამზადებენ გერმანიაში – პენტაგონი

აშშ-ის სამხედრო სპეციალისტებმა გერმანიაში დაიწყეს უკრაინელი ჯარისკაცების სწავლება თავდაცვის იმ სისტემების სამართავად, რომლებიც გამოიყენება უკრაინაში – განაცხადა 29 აპრილს პენტაგონის პრესმდივანმა ჯონ კირბიმ.

აშშ-ის არმია სწავლებას გერმანიასთან კოორდინაციით ახორციელებს.

უკრაინელი სამხედროები „ჰაუბიცა M-777-ის“ გამოყენებას სწავლობენ. პენტაგონის განცხადებით, უკრაინელ სამხედროებს უკვე აქვს არტილერიის ოპერირებისთვის საჭირო გამოცდილება და ამჟამად უნდა გაეცნონ ამერიკული სისტემის თავისებურებებს.

შეერთებული შტატები არ არის ერთადერთი ქვეყანა, რომელიც ამზადებს უკრაინელ სამხედროებს. 28 აპრილს კანადის თავდაცვის მინისტრმა განაცხადა, რომ კანადელი სპეციალისტები ევროპაში „ჰაუბიცა“ M-777-ის გამოყენებას ასწავლიან უკრაინელ სამხედროებს.

„ეს სწავლებები წარმოადგენს პირდაპირ მხარდაჭერას აშშ-ის ბოლოდროინდელ უსაფრთხოების პაკეტების ფარგლებში, რომელიც შემუშავებულია იმისთვის, რომ დაეხმაროს უკრაინას ბრძოლების მოგებაში დღეს და ძალის მოკრეფაში ხვალ“, – განაცხადა კირბიმ.

_______________

ფოტოზე: ჰაუბიცა M-777, ვიკიპედია

გადაბეჭდვის წესი


ასევე: