ბათუმში დილიდან ელექტროენერგია არ მიეწოდება ბონი-გოროდიკის ტერიტორიაზე მცხოვრებ ზოგიერთ აბონენტს. „ენერგო-პრო ჯორჯიას“ პრესსამსახურის განცხადებით, გაზის გათიშვის გამო ელექტროენერგიის მოხმარება გაიზარდა, რის შედეგადაც ელექტროგადამცემი ხაზები დაზიანდა.
„ამჟამად მიმდინარეობს სამუშაოები და მოკლე ხანში ელექტორენერგიის მიწოდება აღდგება,“ – განაცხადა „ბათუმელებთან“ გიორგი სურმავამ, „ენერგო-პრო ჯორჯიას“ საზოგადოებასთან სამსახურის უფროსმა.
კომპანიის ინფორმაციით, ამ დროისათვის ელექტროენერგია არ მიეწოდება 300-მდე აბონენტს.
ქობულეთი-ბათუმის ახალ საავტომობილო მაგისტრალზე მიმდინარე სამუშაოების გამო 29 მარტიდან აჭარაში ბუნებრივი აირის მიწოდება შეუწყდა ქობულეთის, ბათუმისა და ხელვაჩაურის მუნიციპალიტეტებს. გაზის მიწოდებას ეტაპობრივად აღადგენენ. რეგიონს ბუნებრივი აირი სრულად 3 აპრილს მიეწოდება.