მთავარი,სიახლეები

უკრაინაში 215 ბავშვი დაიღუპა ომის დაწყებიდან დღემდე

25.04.2022 • 1120
უკრაინაში 215 ბავშვი დაიღუპა ომის დაწყებიდან დღემდე

უკრაინის პროკურატურის ინფორმაციით, უკრაინაში რუსეთის შეიარაღებული აგრესიის შედეგად 215 ბავშვი დაიღუპა და 391-ზე მეტი დაშავდა.

პროკურატურის ცნობით, ყველაზე მეტი – 124 ბავშვი დაშავდა დონეცკის ოლქში, კიევში – 114, ჩერნიგოვში– 66.

ეს რიცხვები საბოლოო არ არის, ინფორმაცია მსხვერპლის და დაშავებულების შესახებ ჯერ ისევ ზუსტდება, რადგან უკრაინის ქალაქებსა და სოფლებში აქტიური საომარი მოქმედებები მიმდინარეობს. ასევე, ამ მონაცემებში არ შედის ქალაქ მარიუპოლში დაღუპული და დაშავებული ბავშვების სტატისტიკა, სადაც ახლაც საომარი მოქმედებები მიმდინარეობს. 

უკრაინის პროკურატურის ცნობით, რუსეთის შეიარაღებული ძალების დაბომბვის შედეგად დაზიანდა 1500 სასწავლო დაწესებულება. მათგან 102 მთლიანად განადგურდა.

რუსეთ-უკრაინის ომი 2022 წლის 24 თებერვალს, კიევის დროით დილის 5 საათზე დაიწყო. რუსეთის შეიარაღებული ძალები სახმელეთო, საზღვაო და საჰაერო გზით დაესხნენ თავს უკრაინას.

_______________

ფოტო: EPA-EFE/OLEG PETRASYUK

გადაბეჭდვის წესი


ასევე: