მთავარი,სიახლეები

მე არ მჯერა მსოფლიოს, მას შემდეგ, რაც ვნახეთ რა ხდება უკრაინაში – ზელენსკი

17.04.2022 • 1201
მე არ მჯერა მსოფლიოს, მას შემდეგ, რაც ვნახეთ რა ხდება უკრაინაში – ზელენსკი

უკრაინის პრეზიდენტმა, ვოლოდიმირ ზელენსკიმ CNN-თან ინტერვიუში განაცხადა, რომ არ სჯერა მსოფლიოსი და მხოლოდ განცხადებების, მას შემდეგ, რაც უკრაინაში ხდება.

„თქვენ დაკარგეთ წინაპრები ჰოლოკოსტის დროს. ყოველ წელს, ჰოლოკოსტის მსხვერპლთა მოსაგონებელ დღეს პოლიტიკოსები ამბობენ: „აღარასოდეს, აღარასოდეს“. როცა მსოფლიო ამბობს – აღარასოდეს“ – ნამდვილად ამას გულისხმობს?“ – ჰკითხა ჟურნალისტმა ჯეიკ ტაპერმა ზელენსკის.

„მე არ მჯერა მსოფლიოს. მას შემდეგ, რაც ჩვენ ვნახეთ რა ხდება უკრაინაში, არ მჯერა განცდის, რომ ჩვენ უნდა ვენდობოდეთ მათ – ზოგიერთ ქვეყანას თუ ლიდერს. ჩვენ არ გვჯერა სიტყვების. რუსეთის ესკალაციის შემდეგ, ჩვენ არ გვჯერა ჩვენი მეზობლების. არ გვჯერა ამ ყველაფრის“ – უპასუხა მას ზელენსკიმ.

უკრაინის პრეზიდენტმა თქვა, რომ მას არ სჯერა დოკუმენტებით გარანტირებული უსაფრთხოებისაც. მან მაგალითად დაასახელა ბუდაპეშტის მემორანდუმი. „ეს მხოლოდ ქაღალდია და არაფრის ფასი არ აქვს“ – თქვა მან.

„თუ ჩვენი მეგობრები ან პარტნიორები ხართ, მოგვეცით იარაღი, გამოგვიწოდეთ ხელი, დაგვეხმარეთ, მოგვეცით ფული და გააჩერეთ რუსეთი. თქვენ შეგიძლიათ ამის გაკეთება, თუ მეგობარი ხართ.

ერთადერთი რწმენა არის საკუთარი თავის, ჩვენი ხალხის რწმენა, ჩვენი შეიარაღებული ძალების რწმენა და რწმენა იმისა, რომ ქვეყნები მხარს დაგვიჭერენ არა მხოლოდ სიტყვებით, არამედ თავიანთი ქმედებებით“ – თქვა ზელენსკიმ.

გადაბეჭდვის წესი


ასევე: