მთავარი,სიახლეები

ესტონეთმა, იტალიამ და რუმინეთმა დახურეს პორტები რუსული გემებისთვის

17.04.2022 • 1282
ესტონეთმა, იტალიამ და რუმინეთმა დახურეს პორტები რუსული გემებისთვის

ევროკავშირის ქვეყნებმა უკრაინაში ომის გამო დაწესებული სანქციების ფარგლებში რუსული გემებისთვის პორტების დახურვა დაიწყეს.

დღეიდან, 17 აპრილიდან, რუსეთის დროშით მცურავ გემებს ესტონეთის პორტებში შესვლა ეკრძალებათ.

„კრემლი არ აჩვენებს აგრესიის შეწყვეტის ნიშანს, ამიტომ ევროპა თანდათან ეძებს სტრატეგიულ გზებს, რათა ომის ღირებულება იმდენად გაზარდოს, რომ უკრაინის წინააღმდეგ სამხედრო შეტევის გაგრძელების პერსპექტივა გაქრება. ყველა საწარმოს, რომლის საქმიანობაც არის დაკავშირებული რუსეთთან, მოუწევს გადახედოს საქმიანობას, რათა გაუმკლავდეს ახალ ეკონომიკურ გამოწვევებს“, – განაცხადა ესტონეთის ეკონომიკისა და ინფრასტრუქტურის მინისტრმა ტაავი აასმა.

რუსული დროშის ქვეშ მცურავი გემებისთვის იკეტება იტალიის, რუმინეთისა და ბულგარეთის პორტებიც, მათ შორის იმ გემებისთვისაც, რომლებმაც 24 თებერვლის შემდეგ რუსეთის დროშა სხვა ქვეყნის დროშით შეცვალეს.

________________

ფოტოზე: ესტონეთი, ტალინის პორტი. ფოტო: ვიკიპედია

გადაბეჭდვის წესი


ასევე: