მთავარი,სიახლეები

„ტელეგრამის“ მფლობელმა „ფორბს“ სთხოვა, აღარ უწოდონ რუსი მილიარდერი

16.04.2022 • 1875
„ტელეგრამის“ მფლობელმა „ფორბს“ სთხოვა, აღარ უწოდონ რუსი მილიარდერი

„ტელეგრამის“ მფლობელმა პაველ დუროვმა „ფორბს“ სთხოვა, აღარ მოიხსენიონ, როგორც რუსი მილიარდერი. ინფორმაციას ამის შესახებ „ფორბსი“ ავრცელებს.

„პაველმა მრავალი წლის წინ დატოვა რუსეთი და არ აპირებს დაბრუნებას“, – განუცხადა Forbes-ს მისმა წარმომადგენელმა.

დუროვი Vkontakte–სა და Telegram-ის შემქმნელია. 2014 წელს მან დატოვა რუსეთი და დუბაიში გადავიდა საცხოვრებლად. 2021 წელს დუროვმა საფრანგეთის მოქალაქეობა მიიღო. „ფორბსის“ 2021 წლის მონაცემებით, მისი ქონება 17,2 მილიარდი დოლარია.

„ფორბსი“ წერს, რომ დუროვი არ არის ერთადერთი, რომელსაც არ სურს რუსი მილიარდერების სიაში ყოფნა.

იგივე თხოვნა მიიღო გამოცემამ იგორ ბუხმანისგან. ის და მისი ძმა, დიმიტრი, რუსეთიდან არიან, მობილური თამაშების კომპანია Playrix მათ რუსეთში დააარსეს, 2013 წელს ბიზნესი ირლანდიაში გადაიტანეს, თუმცა ჯერ კიდევ რუსეთში ჰყავთ ათასობით თანამშრომელი. ძმები ახლა ლონდონში ცხოვრობენ. მათ Forbes-ს სთხოვეს, დაესახელებინათ ისრაელის მოქალაქეების სიაში, სადაც ისინი ემიგრაციაში წავიდნენ 2016 წელს.

გადაბეჭდვის წესი


ასევე: