რუსმა სამხედროებმა უკრაინაში, დონეცკის ოლქში კრამატორსკის რკინიგზის სადგურზე სარაკეტო იერიში მიიტანეს, რის შედეგადაც 30 ადამიანი დაიღუპა, 100-მდე კი დაშავდა – ინფორმაციას უკრაინის პრეზიდენტი ვოლოდიმირ ზელენსკი ფეისბუკზე ავრცელებს.
პრეზიდენტის ინფორმაციით, სადგურში ათასობით მშვიდობიანი უკრაინელი ევაკუაციას ელოდებოდა.
„რუსები თავიანთ არაადამიანურ მეთოდებზე უარს არ ამბობენ. არ აქვთ ძალა და გამბედაობა, რომ დაგვპირისპირდნენ ბრძოლის ველზე, ცინიკურად ანადგურებენ მშვიდობიან მოსახლეობას. ეს არის ბოროტება, რომელსაც საზღვრები არ აქვს“ – წერს ზელენსკი ფეისბუკზე.
სადგურში მშვიდობიანი მოსახლეობა ევაკუაციას ელოდებოდა.
________________
ფოტო: დონეცკის რეგიონალური სახელმწიფო ადმინისტრაცია.
