ამერიკული კომპანია Johnson & Johnson-ი აჩერებს რუსულ ბაზარზე ჰიგიენური საშუალებების ექსპორტს. ამ ხაზში შედის შამპუნები, საპნები, თმისა და კანის მოვლის საშუალებები და ა.შ.
განცხადება კომპანიამ დღეს, 29 მარტს, გამოაქვეყნა.
ამავდროულად, კომპანია აცხადებს, რომ უკრაინაში დაზარალებულთა ჰუმანიტარული დახმარებისთვის გაიღებს 10 მილიონ დოლარს.
Johnson & Johnson-მა მარტის დასაწყისში შეაჩერა რუსეთში ინვესტიციები და სარეკლამო აქტივობა, ექსპორტზე უარი კი კომპანიამ დღეს განაცხადა. ამავე დროს, ეს არ შეეხება კომპანიის მიერ წარმოებული მედიკამენტებისა და სამედიცინო ნივთების ექსპორტს რუსეთში.
24 თებერვლის, რუსეთის უკრაინაზე თავდასხმის შემდეგ, ასობით კომპანიამ დატოვა რუსეთის ბაზარი პროტესტის ნიშნად.
