მთავარი,სიახლეები

„წიქარაში“ ნახევარი ტონა გაურკვეველი წარმომავლობის ხორცი დაილუქა – სააგენტო

22.03.2022 • 2031
„წიქარაში“ ნახევარი ტონა გაურკვეველი წარმომავლობის ხორცი დაილუქა – სააგენტო

სურსათის ეროვნული სააგენტოს ინფორმაციით, ქვემო ქართლის ინსპექტორებმა, შეტყობინების საფუძველზე, ქალაქ რუსთავში, გორის ქუჩის მიმდებარე ტერიტორიაზე არსებულ ხორცისა და ხორცპროდუქტების საწარმო შპს „წიქარაში“ არაგეგმური ინსპექტირება განახორციელეს.

„სახელმწიფო კონტროლის შედეგად, საწარმოში გამოვლინდა სანიტარიულ-ჰიგიენური ნორმების უხეში დარღვევა და სხვა კრიტიკული შეუსაბამობები, რეალიზაციიდან ამოღებულია ნახევარ ტონაზე მეტი გაურკვეველი წარმომავლობის ხორცი და ხორცპროდუქტები.

სააგენტოს უფლებამოსილმა პირებმა გაატარეს კანონით გათვალისწინებული ღონისძიებები: ბიზნესოპერატორი დაჯარიმდა და, კრიტიკული შეუსაბამობების აღმოფხვრამდე, შეუჩერდა საწარმოო პროცესი; დალუქული სურსათი სააგენტოს უფლებამოსილი პირების ზედამხედველობით განადგურდება“, – აცხადებს სააგენტო.

გადაბეჭდვის წესი


ასევე: