ნეტგაზეთი • RU

ხულოს სოფელ თხილვანაში 1 მეტრი თოვლია – „მარტში არ მახსოვს ამხელა თოვლი“

ხულოს მუნიციპალიტეტის სოფლებში დიდთოვლობაა. ერთ მეტრზე მეტი სიმაღლის თოვლია სოფელ თხილვანაში.  „არ მახსოვს მარტში ამხელა თოვლი მოსულიყოს,” – უთხრა „ბათუმელებს“ თხილვანის მცხოვრებმა თემურ ქამადაძემ.

„გუშინ იყო თოვლი, მაგრამ ამხელა არა. წუხელ მთელი ღამე თოვდა. დილით ერთი მეტრი დაგვხვდა. ზოგან მეტიც,“ – თქვა თემურ ქამადაძემ.

მისივე თქმით, გუშინ, 16 მარტს, სოფელში შიდა გზები გაწმინდეს, მაგრამ ერთ ღამეში იმხელა თოვლი მოვიდა, ახლა მხოლოდ ვიწრო ბილიკებია დარჩენილი.

სოფელი თხილვანა, 17 მარტი  ფოტო: თემურ ქამადაძე

სოფელი თხილვანა, 17 მარტი.  ფოტო: თემურ ქამადაძე

ფოტო: თემურ ქამადაძე

17 მარტი, სოფელი თხილვანა.   ფოტო: თემურ ქამადაძე

ნეტგაზეთის მასალების სხვა გამოცემებში გადაბეჭდვის წესი
ავტორი