საქართველოს საკონსტიტუციო სასამართლოს თავმჯდომარემ მერაბ ტურავამ უკრაინის საკონსტიტუციო სასამართლოს თავმჯდომარის მოვალეობის შემსრულებელ სერჰი ჰოლოვატის მხარდაჭერის წერილი გაუგზავნა. ინფორმაციას საქართველოს საკონსტიტუციო სასამართლო ავრცელებს.
„რუსეთის ფედერაციის სამხედრო აგრესია უკრაინის წინააღმდეგ, ისევე როგორც უკრაინის სუვერენული ტერიტორიის დამოუკიდებელ სახელმწიფოებად გამოცხადება წარმოადგენს საერთაშორისო სამართლის უხეშ დარღვევას.
საქართველოს საკონსტიტუციო სასამართლო მტკიცე მხარდაჭერას უცხადებს უკრაინელ ხალხს თავისუფლებისა და დამოუკიდებლობისთვის ბრძოლის მძიმე მომენტში,“ – აღნიშნულია საკონსტიტუციო სასამართლოს მიერ გავრცელებულ ინფორმაციაში.
მე-2 დღეა, რუსეთი უკრაინის წინააღმდეგ სრულმასშტაბიან ომს აწარმოებს. რუსული ჯარები უკრაინაში შეიჭრა სამი მხრიდან — აღმოსავლეთიდან (ბელარუსი), ჩრდილოეთიდან (დონეცკი-ლუგანსკი) და სამხრეთიდან (ყირიმი). პარალელურად, არტილერია და ავიაცია ბომბავს უკრაინის ქალაქებს, მათ შორის დედაქალაქ კიევს.
რუსეთის პრეზიდენტი ვლადიმერ პუტინი აცხადებს, რომ მათი მიზანი „უკრაინის დემილიტარიზაცია და დენაციფიკაციაა“.
უკრაინის პრეზიდენტი ვოლოდიმირ ზელენსკი აცხადებს, რომ ის არსად წასვლას არ აპირებს.
რუსეთის სასტიკი თავდასხმა უკრაინაზე – დღე მე-2 განახლებადი [Live]
