ნეტგაზეთი • RU

მიხეილ სააკაშვილმა ისევ შიმშილობა დაიწყო

მიხეილ სააკაშვილმა დღეს, 21 თებერვალს, მიმდინარე სასამართლო სხდომაზე უვადო შიმშილობა გამოაცხადა.

„თქვენ ვერ მიიღებთ იმას, რომ წყნარად ჩავქრე, ვითომ არაფერი. თქვენ ნახავთ, თუ საჭრო გახდა, როგორ თავაწეულად კვდებიან ნამდვილი პრეზიდენტები და ნამდვილი ლიდერები. მე ვაცხადებ დღეიდან უვადო შიმშილობას, სრულს და ეს არის რეაქცია იმაზე, როგორც გვეპყრობა რეჟიმი მე და ჩემს ხალხს,“ – განაცხადა მიხეილ სააკაშვილმა სასამართლო პროცესზე.

სააკაშვილი ამბობს, რომ ჯანმრთელობა მისთვის მეასეხარისხოვანია, მისი ჰოლანდიელი მკურნალი ექიმი წერილში მას განმეორებით შიმშილობას უკრძალავს. წერილში, რომელიც სააკაშვილმა წაიკითხა, ნათქვამია, რომ განმეორებითი შიმშილობის შემთხვევაში ორგანიზმში მიმდინარე პროცესები – „ისეთ დარღვევას გამოიწვევს, რასაც შეუქცევადი და ლეტალური შედეგი მოჰყვება“.

მიხეილ სააკაშვილი საქართველოში 2021 წლის სექტემბერში დაბრუნდა. ის 1-ელ ოქტომბერს დააკავეს. ყოფილი პრეზიდენტი 50 დღის განმავლობაში შიმშილობდა.  მან შიმშილობა 2021 წლის 19 ნოემბერს შეწყვიტა.

შიმშილობის 50 დღე – სააკაშვილი ქართულ ციხეში

 

ნეტგაზეთის მასალების სხვა გამოცემებში გადაბეჭდვის წესი
ავტორი