როგორ გამოიყურება ბულვარი "პიერ ბათუმის" დანგრევის შემდეგ [ფოტო]

ბათუმის ძველი ბულვარის ცენტრალურ შესასვლელში, პლაჟთან ახლოს მდებარე “პიერ ბათუმი” 18 თებერვალს დაანგრიეს. შენობების ნგრევა ისე დაიწყეს, რომ არ იყო გატანილი ინვენტარი. ტერიტორიას სამშენებლო ნარჩენებისგან ამ დრომდე ათავისუფლებენ.

“პიერ ბათუმი” დემონტაჟის შემდეგ ფოტო: ჯაბა ანანიძე

„პიერ ბათუმი“ წლების წინ ნებართვის გარეშე მოეწყო და მესაკუთრე ამის გამო არაერთხელ დააჯარიმეს. ჯარიმების მიუხედავად, „პიერ ბათუმი“ წლებია ბულვარში უპრობლემოდ მუშაობდა.

ეს ადგილი 2010 წელს კომპანია „ბატტუნს“ გრძელვადიანი იჯარით გადაეცა. ამ კომპანიის მეწილეები თურქეთის მოქალაქეები – ოზჯან სუმერი და აჰმეთ დონგელი არიან, თუმცა შენობა 2016 წლიდან იჯარითაა გაცემული.