ბათუმში პირადი ცხოვრების ამსახველი ჩანაწერების გამოქვეყნება გააპროტესტეს [ვიდეო]

დღეს 12 მარტს, ბათუმში, ევროპის მოედანზე საზოგადოების სხვადასხვა სფეროს წარმომადგენლებმა, პირადი ცხოვრების ამსახველი ფარული ჩანაწერების გამოქვეყნება გააპროტესტეს.

მოქალაქეები მიიჩნევენ, რომ ხელისუფლება ვალდებულია გამოიძიოს თუ ვის მიერ მოხდა  ფარული ჩანაწერის  youtube-ზე ატვირთვა და კანონის შესაბამისად დაისაჯოს.

პირადი ცხოვრების ამსახველი ვიდეო, რომელზეც ასახულია ერთ-ერთი ქართველი პოლიტიკოსი, ოპოზიციური პარტიის წევრი, 11 მარტს გავრცელდა. მთავარი პროკურატურის პრესსამსახურის განცხადებით ვიდეომასალის გავრცელებაზე გამოძიება უკვე დაიწყო.

გამოძიება დაიწყო სისხლის სამართლის კოდექსის 157 მუხლის მე-2 ნაწილით მიმდინარეობს. ეს მუხლი პირადი ან ოჯახური საიდუმლოს ხელყოფას გულისხმობს – ხოლო მისი მეორე ნაწილი – პირადი ან ოჯახური საიდუმლოს უკანონოდ გამოყენება, ანდა გავრცელება ამა თუ იმ ხერხით გავრცელებულ ნაწარმოებში, მასობრივი მაუწყებლობით ან სხვა
საჯარო გამოსვლისას, – ისჯება ჯარიმით ან გამასწორებელი სამუშაოთი ვადით ორ წლამდე, ანდა თავისუფლების აღკვეთით იმავე ვადით.