უფასო რეგისტრაციას მიწის ნაკვეთებზე უფლებათა სისტემური რეგისტრაციის წესი ითვალისწინებს, რომლის მიხედვითაც მიწის ნაკვეთის აზომვიდან, ნაკვეთის რეგისტრაციის ჩათვლით საჭირო ყველა სამუშაოს სახელმწიფო აფინანსებს.
საქართველოს იუსტიციის მინისტრის ბრძანებით, უკვე განისაზღვრა ის გეოგრაფიული არეალები [59 მუნიციპალიტეტი], სადაც სისტემური რეგისტრაცია 2022-2024 წლებში უნდა განხორციელდეს. ამ ჩამონათვალშია ქობულეთის, ხელვაჩაურის, ქედის, შუახევისა და ხულოს მუნიციპალიტეტებიც.
„ამ ბრძანებით განსაზღვრულ გეოგრაფიულ არეალებში უფლებათა სისტემური რეგისტრაცია დაიწყოს ამ ბრძანების ამოქმედებისთანავე და დასრულდეს 2025 წლის 1 იანვრამდე“ – აღნიშნულია მინისტრის ბრძანებაში, რომელიც 2022 წლის პირველი იანვრიდან უკვე მოქმედებს.
თუმცა, კონკრეტულად რომელ მუნიციპალიტეტში და კონკრეტულად როდის დაიწყება/დასრულდება საველე და საკადასტრო აზომვითი სამუშაოები, ეს, ამავე ბრძანების მიხედვით, საჯარო რეესტრის ეროვნული სააგენტოს თავმჯდომარემ უნდა განსაზღვროს.
სისტემური რეგისტრაციის პარალელურად, ნებისმიერ მოქალაქეს აქვს უფლება საჯარო რეესტრს მიწის რეგისტრაციის მიზნით მიმართოს, თუმცა, ამ შემთხვევაში რეგისტრაცია 2022 წლის იანვრიდან უკვე ფასიანი იქნება.
აღსანიშნავია, რომ მიწის ნაკვეთებზე უფლებათა სისტემური რეგისტრაცია მთავრობამ 2016-18 წლებში დაიწყო 12 სხვადასხვა დასახლებაში, როგორც საპილოტე პროექტი. მათ შორის იყო დაბა შუახევიც.
„ამ პროექტის ფარგლებში მიწის სისტემური რეგისტრაციის პროცესი დაბის ტერიტორიაზე უკვე დასრულებულია“ – გვითხრეს შუახევის მერიაში.
სისტემური რეგისტრაციის წარმოების მიზნით, განისაზღვროს შემდეგი გეოგრაფიული არეალები:
აბაშის მუნიციპალიტეტი;
ადიგენის მუნიციპალიტეტი;
ამბროლაურის მუნიციპალიტეტი;
ასპინძის მუნიციპალიტეტი;
ახალქალაქის მუნიციპალიტეტი;
ახალციხის მუნიციპალიტეტი;
ახმეტის მუნიციპალიტეტი;
ბაღდათის მუნიციპალიტეტი;
ბოლნისის მუნიციპალიტეტი;
ბორჯომის მუნიციპალიტეტი;
გარდაბნის მუნიციპალიტეტი;
გორის მუნიციპალიტეტი;
გურჯაანის მუნიციპალიტეტი;
დედოფლისწყაროს მუნიციპალიტეტი;
დმანისის მუნიციპალიტეტი;
დუშეთის მუნიციპალიტეტი;
ვანის მუნიციპალიტეტი;
ზესტაფონის მუნიციპალიტეტი;
ზუგდიდის მუნიციპალიტეტი;
თეთრიწყაროს მუნიციპალიტეტი;
თელავის მუნიციპალიტეტი;
თერჯოლის მუნიციპალიტეტი;
თიანეთის მუნიციპალიტეტი;
კასპის მუნიციპალიტეტი;
ლაგოდეხის მუნიციპალიტეტი;
ლანჩხუთის მუნიციპალიტეტი;
ლენტეხის მუნიციპალიტეტი;
მარნეულის მუნიციპალიტეტი;
მარტვილის მუნიციპალიტეტი;
მესტიის მუნიციპალიტეტი;
მცხეთის მუნიციპალიტეტი;
ნინოწმინდის მუნიციპალიტეტი;
ოზურგეთის მუნიციპალიტეტი;
ონის მუნიციპალიტეტი;
საგარეჯოს მუნიციპალიტეტი;
სამტრედიის მუნიციპალიტეტი;
საჩხერის მუნიციპალიტეტი;
სენაკის მუნიციპალიტეტი;
სიღნაღის მუნიციპალიტეტი;
ტყიბულის მუნიციპალიტეტი;
ქარელის მუნიციპალიტეტი;
ქედის მუნიციპალიტეტი;
ქობულეთის მუნიციპალიტეტი;
ყაზბეგის მუნიციპალიტეტი;
ყვარლის მუნიციპალიტეტი;
შუახევის მუნიციპალიტეტი;
ჩოხატაურის მუნიციპალიტეტი;
ჩხოროწყუს მუნიციპალიტეტი;
ცაგერის მუნიციპალიტეტი;
წალენჯიხის მუნიციპალიტეტი;
წალკის მუნიციპალიტეტი;
წყალტუბოს მუნიციპალიტეტი;
ჭიათურის მუნიციპალიტეტი;
ხარაგაულის მუნიციპალიტეტი;
ხაშურის მუნიციპალიტეტი;
ხელვაჩაურის მუნიციპალიტეტი;
ხობის მუნიციპალიტეტი;
ხონის მუნიციპალიტეტი;
ხულოს მუნიციპალიტეტი.
წყარო: იუსტიციის მინისტრის 2021 წლის 31 დეკემბრის ბრძანება
