ნეტგაზეთი • RU

პირველი იანვრიდან 10 იანვრამდე უქმე დღეები გამოცხადდა

დღეს, 22 დეკემბერს, საკოორდინაციო საბჭოს გადაწყვეტილებით, საჯარო უწყებებში 2022 წლის პირველი იანვრიდან 10 იანვრამდე უქმე დღეები იქნება.

„საბჭომ მიიღო გადაწყვეტილება, რომ პირველი იანვრიდან 10 იანვრამდე პერიოდი უქმე დღეებად გამოცხადდეს. ეს ეხება საჯარო დაწესებულებებს, კერძო სექტორს კი შეუძლია თავისით მიიღოს გადაწყვეტილება“, – განაცხადა გიორგი ღიბრაძემ, საკოორდინაციო საბჭოსთან არსებული ოპერაციული შტაბის უფროსმა.

სკოლებში ზამთრის არდადაგები 30 დეკემბრიდან დაიწყება და 17 იანვრამდე გაგრძელდება.

ღიბრაძის თქმით, სხვა დამატებითი შეზღუდვები ან შემსუბუქება საბჭოს ამ ეტაპისთვის არ მიუღია.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com