Batumelebi | „დღეს სხდომა ჩემს ძმას უნდა წაეყვანა“ – ნაზი ფუტკარაძეს საკრებულოში მიკროფონი არ ჩაურთეს „დღეს სხდომა ჩემს ძმას უნდა წაეყვანა“ – ნაზი ფუტკარაძეს საკრებულოში მიკროფონი არ ჩაურთეს – Batumelebi
ნეტგაზეთი • RU

„დღეს სხდომა ჩემს ძმას უნდა წაეყვანა“ – ნაზი ფუტკარაძეს საკრებულოში მიკროფონი არ ჩაურთეს

„დღევანდელი სხდომა ჩემს ძმას უნდა წაეყვანა“, – ეს ერთადერთი განცხადება გააკეთა დღეს ბათუმის საკრებულოში ნაზი ფუტკარაძემ, საკრებულოს წევრმა ენმ-დან. ნაზი ფუტკარაძე გულისხმობდა გარდაცვლილ ნუგზარ ფუტკარაძეს, რომელიც საკრებულოს წევრებს შორის უხუცესი იყო და რომ არა მისი სიკვდილი, კანონმდებლობის შესაბამისად სწორედ ის გაუძღვებოდა ბათუმის საკრებულოს პირველ სხდომას.

ნაზი ფუტკარაძემ ეს განცხადება გამორთულ მიკროფონთან გააკეთა, პარალელურ რეჟიმში კი საუბრობდა დღევანდელი სხდომის სპიკერი ნერიმან ცინცაძე.

ნაზი ფუტკარაძემ დღეს კიდევ ერთხელ განაცხადა, მის ძმაზე ხორციელდებოდა შანტაჟი და ზეწოლა, რამაც ნუგზარ ფუტკარაძის სიცოცხლე შეიწირა.

ნაზი ფუტკარაძის განცხადების შემდეგ ემნ-მ და „ლელომ“ სხდომა დატოვეს. საკრებულოს სხდომა კვორუმის არარსებობის გამო ჩაიშალა.

ნუგზარ ფუტკარაძე 18 ნოემბერს გარდაცივალა.

___

ბათუმის საკრებულოში ენმ-ს წევრის სავარაუდო მოსყიდვის მცდელობა – ნაწყვეტები საუბრის ზუსტი ჩანაწერიდან

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან