Batumelebi | თურქეთში დაიღუპა დედა, რომელმაც ქარიშხლისას შვილი გადაარჩინა თურქეთში დაიღუპა დედა, რომელმაც ქარიშხლისას შვილი გადაარჩინა – Batumelebi
ნეტგაზეთი • RU

თურქეთში დაიღუპა დედა, რომელმაც ქარიშხლისას შვილი გადაარჩინა

თურქეთში 29 ნოემბერს ქარიშხლის შედეგად 4 ადამიანი დაიღუპა და 46 დაშავდა. 

დაღუპულებს შორისაა დედა, რომელმაც 2.5 წლის შვილი გადაარჩინა.

ელიფ შანვერი შვილთან ერთად იმყოფებოდა სტამბოლში, ქუჩაში, როცა ძლიერმა ქარმა მოულოდნელად საცხოვრებელი კორპუსის სახურავი ჩამოაგდო. დედა მაშინვე გადაეფარა შვილის ეტლს.

ქალს სახურავის ნაწილი დაეცა და მძიმედ დაშავდა, იგი საავადმყოფოში გარდაიცვალა. 

2.5 წლის ბავშვი არ დაშავებულა, დედამ მისი გადარჩენა შეძლო. 

თურქული მედია ახალგაზრდა ქალს „გმირ დედას“ უწოდებს. 

გუშინ თურქეთში ქარიშხალმა ყველაზე მეტად სტამბოლი დააზიანა, განსაკუთრებით ევროპული ნაწილი. დაზიანდა 141 კორპუსის სახურავი, ამოიძირკვა 297 ხე, დაზიანდა ავტომანქანები, შუქნიშნები და აბრები. წყლის დონის მატებამ გამოიწვია წყალდიდობა სანაპირო გზის გასწვრივ, ქალაქის აზიურ მხარეს. 

ნეტგაზეთის მასალების სხვა გამოცემებში გადაბეჭდვის წესი
ავტორი