Batumelebi | ოლეგ ბოლქვაძემ სააგენტო დატოვა, მის მოვალეობას ზაურ ახვლედიანი ასრულებს ოლეგ ბოლქვაძემ სააგენტო დატოვა, მის მოვალეობას ზაურ ახვლედიანი ასრულებს – Batumelebi
ნეტგაზეთი • RU

ოლეგ ბოლქვაძემ სააგენტო დატოვა, მის მოვალეობას ზაურ ახვლედიანი ასრულებს

„ბათუმელების“ ინფორმაციით, აჭარის კულტურული მემკვიდრეობის დაცვის სააგენტოს დირექტორის მოვალეობის შემსრულებელმა ოლეგ ბოლქვაძემ თანამდებობა დატოვა.

ოლეგ ბოლქვაძემ ინფორმაცია დაგვიდასტურა, თუმცა მიზეზებზე არ ისაუბრა. „ჯანმრთელობის მდგომარეობის გამო, მეტს ვერაფერს გეტყვით,“ – გვითხრა მან.

„ბათუმელების“ ინფორმაციით, ამ დროისთვის კულტურული მემკვიდრეობის სააგენტოს დირექტორის მოვალეობას ზაურ ახვლედიანი ასრულებს, სააგენტოს ყოფილი დირექტორი, რომელიც ამჟამად აჭარის განათლების მინისტრის მოადგილეა.

„ბათუმელების“ ინფორმაციით, ოლეგ ბოლქვაძის გადაწყვეტილება ბათუმის ბულვარში მიმდინარე „ამბასადორი ბათუმის“ მშენებლობას უკავშირდება. ჩვენი ინფორმაციით, სააგენტოს ძეგლების საბჭომ განიხილა პროექტი და დადებითი რეკომენდაცია მისცა. ჩვენივე ინფორმაციით, ცვლილება ითვალისწინებს უნებართვოდ აშენებული 2 სართულის სანებართვო პირობებში მოქცევას და ბოლო სართულზე ვერტმფრენის დასაფრენი ბილიკის მოწყობას.

„ბათუმელები“ დეტალებს აზუსტებს.

ნეტგაზეთის მასალების სხვა გამოცემებში გადაბეჭდვის წესი
ავტორი