Batumelebi | ბათუმსა და ქობულეთში 2 პირი დააკავეს იარაღის უკანონოდ შეძენა-შენახვის ბრალდებით ბათუმსა და ქობულეთში 2 პირი დააკავეს იარაღის უკანონოდ შეძენა-შენახვის ბრალდებით – Batumelebi
ნეტგაზეთი • RU

ბათუმსა და ქობულეთში 2 პირი დააკავეს იარაღის უკანონოდ შეძენა-შენახვის ბრალდებით

შინაგან საქმეთა სამინისტროს ცნობით, აჭარის პოლიციის დეპარტამენტის თანამშრომლებმა 1987 წელს დაბადებული, წარსულში ნასამართლევი ზ.გ. ბათუმში დააკავეს ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვის ბრალდებით.

შსს-ს ცნობით, ზ.გ.-ს პირადი ჩხრეკის შედეგად ნივთმტკიცების სახით ამოიღეს 2 ცეცხლსასროლი პისტოლეტი, 2 მჭიდი და 16 საბრძოლო ვაზნა.

ასევე, იმავე ბრალდებით, ქობულეთში დააკავეს 1986 წელს დაბადებული გ.წ.-ს.

„დანაშაულისთვის წარსულში ნასამართლევი გ.წ.-ს საცხოვრებელ სახლში ჩატარებული ჩხრეკის შედეგად, პოლიციამ ნივთმტკიცების სახით ამოიღო „მაკაროვის“ სისტემის პისტოლეტი, მჭიდი და 7 საბრძოლო ვაზნა,“ – წერს შსს.

შს სამინისტროს ცნობით,  ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვის ბრალდებით საქართველოს სხვადასხვა რეგიონში ჯამში დაკავებულია 10 პირი.

ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვის და ტარების ჩამოთვლილ ფაქტებზე გამოძიება საქართველოს სსკ-ის მე-3, მე-4 და მე-6 ნაწილებით მიმდინარეობს.

დანაშაულები 3-დან 7 წლამდე ვადით თავისუფლების აღკვეთას ითვალისწინებს.

__________

ფოტო არქივიდან.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com