Batumelebi | კოვიდის გამო აჭარაში 3 სკოლა და 93 კლასი დისტანციურად სწავლობს კოვიდის გამო აჭარაში 3 სკოლა და 93 კლასი დისტანციურად სწავლობს – Batumelebi
ნეტგაზეთი • RU

კოვიდის გამო აჭარაში 3 სკოლა და 93 კლასი დისტანციურად სწავლობს

26 ნოემბრის მდგომარეობით, აჭარაში კორონავირუსის გამო სრულად დისტანციურ სწავლებაზე 3 სკოლა იმყოფება. ონლაინსწავლებაზე გადავიდა 93 კლასი ცალკეულ სკოლებში.

აჭარის განათლების სამინისტროს ინფორმაციით, დისტანციურზეა გადასული 2 სკოლა ხელვაჩაურში და 1 სკოლა ხულოში. რაც შეეხება დისტანციურ სწავლებაზე გადასულ კლასებს, სტატისტიკა მუნიციპალიტეტების მიხედვით ასე ნაწილდება:

  • ბათუმი- 79
  • ქობულეთი-7
  • ხელვაჩაური- 4
  • ხულო-2
  • ქედა -1

სამინისტროს ინფორმაციით, მიმდინარე კვირაში კორონავირუსი დაუდასტურდა სკოლის მოსწავლეების 1.1 პროცენტს და სკოლაში დასაქმებული პერსონალის 1,7 პროცენტს.

ამ ეტაპისთვის აცრილია მასწავლებლებისა და სკოლის ადმინისტრაციული პერსონალის 85.6 პროცენტი.

საქართველოს განათლების სამინისტროს ინფორმაციით კი, კორონავირუსის გამო, ქვეყნის მასშტაბით 137 სკოლა იმყოფება დისტანციურ სწავლებაზე და 358 ცალკეული კლასი.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com