Batumelebi | ბათუმის მერიამ სამშენებლო მოსაკრებლიდან 889 200 ლარი ამოიღო – 10 თვის მონაცემი ბათუმის მერიამ სამშენებლო მოსაკრებლიდან 889 200 ლარი ამოიღო – 10 თვის მონაცემი – Batumelebi
ნეტგაზეთი • RU

ბათუმის მერიამ სამშენებლო მოსაკრებლიდან 889 200 ლარი ამოიღო – 10 თვის მონაცემი

2021 წელს ათ თვეში ბათუმის მერიამ მშენებლობის მოსაკრებლის სახით 889 200 ლარი ამოიღო. საერთო ჯამში კი, ამავე პერიოდში ადმინისტრაციული მოსაკრებლების სახით ბიუჯეტში 20 მილიონ 126 400 ლარი შევიდა.

მათ შორის ყველაზე მეტი – 16 მილიონ 676 300 ლარი სათამაშო ბიზნესის მოსაკრებელია.

სანქციების, ჯარიმებისა და საურავების სახით ბიუჯეტში მობილიზებულია 5 მილიონ 246 000 ლარი.

საერთო ჯამში კი, მუნიციპალიტეტის 2021 წლის ბიუჯეტის შემოსავლების საპროგნოზო მოცულობა 169 მილიონ 856 400 ლარი იყო, ათ თვეში მობილიზებულია 131 მილიონ  068 300 ლარი, რაც საპროგნოზო მაჩვენებლის 77,2%.

შემოსავლები მოიცავს გადასახადებს, გრანტებსა და ფინანსურ დახმარებას, სხვა შემოსავლებს.

ნეტგაზეთის მასალების სხვა გამოცემებში გადაბეჭდვის წესი
ავტორი