ქობულეთის მუნიციპალურ ავტოპარკს 4 ახალი ავტობუსი შეემატა.
ქობულეთის მერიის პრესსამსახურის ცნობით, EURO 5 სტანდარტის, 3 ავტობუსი 10 მეტრის სიგრძისაა და თითოეულს 63 მგზავრის გადაყვანა შეუძლია, ხოლო EURO 6 სტანდარტის 1 ავტობუსის სიგრძე 8 მეტრია და 53 მგზავრს მოემსახურება.
ახალი ავტობუსები ადაპტირებულია, აღჭურვილია გათბობისა და კონდიცირების სისტემით. დამონტაჟებულია საინფორმაციო ხმოვანი და ვიდეომონიტორინგის სისტემები.
ქობულეთის მერიის ცნობით, 3 ახალი ავტობუსი ქალაქში, აღმაშენებლისა და რუსთაველის ქუჩებზე, 1 ავტობუსი კი ჭახათის ადმინისტრაციული ერთეულის მიმართულებით იმოძრავებს.
ავტობუსი
SUZU-ს მარკის 40 ახალი ავტობუსი ბათუმის მერიამ შეიძინა 5 521 595 ევროდ. 36 ავტობუსი ბათუმის ავტოპარკს გადაეცა, დანარჩენი 4 კი – ქობულეთის მუნიციპალიტეტს.
