Batumelebi | რას სთავაზობს ბათუმის მერია იმ ოჯახებს, რომელთა კორპუსის ფასადზეც ბათქაში ჩამოიშალა რას სთავაზობს ბათუმის მერია იმ ოჯახებს, რომელთა კორპუსის ფასადზეც ბათქაში ჩამოიშალა – Batumelebi
ნეტგაზეთი • RU

რას სთავაზობს ბათუმის მერია იმ ოჯახებს, რომელთა კორპუსის ფასადზეც ბათქაში ჩამოიშალა

ბათუმის მერის მოვალეობის შემსრულებლის, ლელა სურმანიძის თქმით, ისინი ამაღამვე გაიყვანენ რურუას ქუჩის #1-ში არსებული კორპუსის მცხოვრებლებს სასტუმროებში. გრძელვადიანად კი, კორპუსს ჩაუტარებენ ექსპერტიზას.

„კორპუსის მდგომარეობის შეფასება და დაიგეგმება შემდეგი რა ღონისძიებები გატარდება კორპუსთან მიმართებაში.

ექსპერტიზის მიხედვით გადაწყდება კორპუსზე გამაგრებით სამუშაოები ჩატარდება, თუ მდგომარეობა უფრო მძიმეა და ჩატარდება დემონტაჟი.

10 დღის წინ მერიის ინფრასტრუქტურის თანამშრომლებმა ვიზუალურად დაათვალიერეს კორპუსი, მაგრამ ეს არ არის საკმარისი. ექსპერტიზის დასკვნის მიხედვით, გადაწყდება რა უნდა ვუყოთ კორპუსს.

კორპუსი სიღრმისეული კვლევა უფრო ხანგრძლივ დროს მოითხოვს. შესაბამისი დოკუმენტაცია უნდა გაიგზავნოს სამხარაულის ექსპერტიზის ბიუროში, ჩამოვლენ მათი ექსპერტები ამ კორპუსის შესაფასებლად. ეს დროში იქნება გაწელილი პროცესი“.

სინამდვილეში, ჯერ კიდევ 2019 წელს, „ბათუმელები“ ბათუმის მერიაზე დაყრდნობით წერდა, რომ ლევან სამხარაულის სასამართლო ექსპერტიზის ეროვნულმა ბიურომ ბათუმში მდებარე 34 ავარიული საცხოვრებელი შენობა-ნაგებობის საინჟინრო ექსპერტიზის დასკვნა მოამზადა. ეს დასკვნები სამხარაულმა 2017-2018 წლებში დადო.

აი, რას წერია რურუას ქუჩის #1-თან დაკავშირებით სამხარაულის ექსპერტიზის მიერ მომზადებულ დასკვნაში:

რურუას ქ. #1 – საცხოვრებელი სახლის ვიზუალური დათვალიერებით მისი ტექნიკური მდგომარეობა არადამაკმაყოფილებელია. შენობა კონსტრუქციული ელემენტების სახეობიდან გამომდინარე მიეკუთვნება კაპიტალურობის III გჯუფს და მისი ექსპლუატაციის ვადა შეადგენს 100 წელს. ნათლად ჩანს, რომ დაზიანებები შენობას მიყენებული აქვს მოუვლელობით, კაპიტალური სარემონტო სამუშაოების დიდი ხნის მანძილზე ჩაუტარებლობით და მოსახლეობის მიერ შიდა თვითნებური გადაკეთებების მეშვეობით. მიზეზს წარმოადგენს აგრეთვე დაზიანებული წყალგაყვანილობისა და კანალიზაციის სისტემები, რის გამოც სარდაფებში პერიოდულად ხდება წყლის დაგროვება. ფუძე-გრუნტის მზიდუნარიანობის შესუსტებისა და გამორეცხვის შედეგად, შესაძლებელია მოხდეს ჯდენითი დეფორმაციების განვითარება, რაც ისედაც ავარიული შენობის (ამაზე მეტყველებს შენობაზე არსებული მჭიმები) კონსტრუქციულ მდგრადობას საფრთხეს შეუქმნის. შენობის გამაგრება და სამშენებლო ნორმებთან შესაბამისობაში მოყვანა არ მიგვაჩნია მიზანშეწონილად ჩასატარებელი სამუშაოების არარენტაბელურობიდან გამომდინარე. ოჯახების რაოდენობა – 72.

___

ამავე თემაზე: https://batumelebi.netgazeti.ge/news/195417/

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.