Batumelebi | სისხლის სამართლის მუხლით გამოძიება ორ ფაქტზე დაიწყო – შსს არჩევნების მეორე ტურზე სისხლის სამართლის მუხლით გამოძიება ორ ფაქტზე დაიწყო – შსს არჩევნების მეორე ტურზე – Batumelebi
ნეტგაზეთი • RU

სისხლის სამართლის მუხლით გამოძიება ორ ფაქტზე დაიწყო – შსს არჩევნების მეორე ტურზე

დღეს, 30 ოქტომბერს, თვითმმართველობის არჩევნების მეორე ტურთან დაკავშირებული საარჩევნო დარღვევების შესახებ შს სამინისტრომ განცხადება გააკეთა. შსს-ს თქმით, ამ დროისთვის სისხლის სამართლის მუხლით გამოძიება ორ ფაქტზე მიმდინარეობს.

„ზუგდიდში, მე-20 საარჩევნო უბნის მიმდებარედ მომხდარ ფიზიკური შეურაცხყოფის ფაქტზე დაწყებულია გამოძიება სსკ-ის 126-ე მუხლის პირველი ნაწილით, რაც ძალადობას გულისხმობს. ამავე უბნის ფაქტთან დაკავშირებით ადმინისტრაციული წესით არის დაკავებული 5 პირი.

სენაკის მე-14 საარჩევნო უბანზე ტელეკომპანია „მთავარის“ ჟურნალისტის შეტყობინების საფუძველზე არის დაწყებული გამოძიება სისხლის სამართლის კოდექსის 126 მუხლით.

გარდა ამისა, მიღებული შეტყობინებებისა და მედიაში გავრცელებული ინფორმაციის საფუძველზე, კენჭისყრის ადგილიდან 100 მეტრის მანძილზე ადამიანთა შეკრების ან ამომრჩეველთა აღრიცხვის ფაქტებზე, ასევე 25 მეტრის მანძილზე სააგიტაციო მასალის განთავსების ცხრა ფაქტზე არის რეაგირება განხორციელებული,“ – აცხადებს შსს.

__________

ფოტოზე: ადგილობრივი თვითმმართველობის არჩევნების მეორე ტური ბათუმში.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com