ცესკოს ინფორმაციით, 12 საათის მონაცემებით აჭარაში სულ 60 271 ამომრჩეველმა დააფიქსირა თავისი ხმა, რაც აჭარის ამომრჩეველთა 19.2%-ია.
რაც შეეხება აქტივობას ოლქების მიხედვით, ყველაზე მაღალი მაჩვენებელი აჭარაში შუახევში დაფიქსირდა, სადაც 12 საათისთვის 3 401-მა (22.6%) ამომრჩეველმა მისცა ხმა, შემდეგ მოდის ხელვაჩაური – 9 580 (21.6%), ქედა – 3 285 (21%), ქობულეთი – 13 123 (19.5%), ბათუმი 26 630 (18%) ხმით, სულ ბოლოს კი ხულო, სადაც 4 252 (17.6%) ადამიანმა მისცა ხმა.
საქართველოს მასშტაბით 12 საათისთვის 619 562-მა ადამიანმა მისცა ხმა, რაც ამომრჩეველთა 17.72%-ია.
2 ოქტომბრის ადგილობრივი თვითმმართველობის არჩევნებზე აჭარაში 314 644 ამომრჩეველია რეგისტრირებული. ექვსი მუნიციპალიტეტიდან ყველაზე მეტი ამომრჩეველი ქალაქ ბათუმშია. აქ 106 საარჩევნო უბანია.
ამომრჩეველთა რაოდენობა აჭარაში მუნიციპალიტეტების მიხედვით ასე ნაწილდება:
- ბათუმის №79 ოლქი – 148 011 ამომრჩეველი
- ქობულეთის №81 ოლქი – 67 338 ამომრჩეველი
- ხელვაჩაურის №83 ოლქი – 44 428 ამომრჩეველი
- ხულოს №84 ოლქი – 24 149 ამომრჩეველი
- ქედის №80 ოლქი – 15 642 ამომრჩეველი
- შუახევის №82 ოლქი – 15 076 ამომრჩეველი