მთავარი,სიახლეები

თურქეთში კაცი მაშველებთან ერთად საკუთარ თავს ეძებდა ტყეში

29.09.2021 • 12904
თურქეთში კაცი მაშველებთან ერთად საკუთარ თავს ეძებდა ტყეში

თურქეთის მოქალაქე, 50 წლის ბეიჰან მუთლუ, რომელიც ბურსას პროვინციაში ცხოვრობს, სამშაბათს უგზო-უკვლოდ დაკარგულად მიიჩნიეს.

კაცი არ უნახავთ მეგობრებთან შეხვედრის შემდეგ, ამიტომაც მასზე გამოცხადდა ძებნა, რაშიც მოქალაქეებიც ჩაერთნენ.

ხალხის ჯგუფს, რომელიც დაკარგულს ეძებდა, მალე თავად დაკარგულად მიჩნეული კაცი მიუახლოვდა, იკითხა, რა ხდებოდა და თავადაც ჩაერთო ძებნის სამუშაოებში დასახმარებლად.

ყველაფერი გაირკვა მაშინ, როცა სამძებრო ჯგუფის ერთ-ერთმა წევრმა ხმამაღლა დაიძახა მისი სახელი იმ იმედით, რომ ტყის სიღრმეში დაკარგულს შეიძლება გაეგო. „აქ ვარ!“ – გამოეპასუხა მას „დაკარგული კაცი“. იგი ალკოჰოლის ზემოქმედების ქვეშ იყო.

თურქული მედია წერს, რომ კაცი პოლიციამ სახლში წაიყვანა გამოკითხვის შემდეგ.

____________

ფოტოზე ცენტრში: „დაკარგული კაცი“. ფოტო: „დეილი საბაჰი“

გადაბეჭდვის წესი


ასევე: