Batumelebi | 5 პროგრამა, რომლებზეც ბსუ-ში წელს ყველაზე მეტი მოთხოვნაა 5 პროგრამა, რომლებზეც ბსუ-ში წელს ყველაზე მეტი მოთხოვნაა – Batumelebi
RU | GE  

5 პროგრამა, რომლებზეც ბსუ-ში წელს ყველაზე მეტი მოთხოვნაა

ბათუმის რუსთაველის სახელმწიფო უნივერსიტეტმა წელს 1 295 პირველკურსელი მიიღო. ადმინისტრაციის ინფორმაციით, აქედან სახელმწიფო გრანტი მხოლოდ 95- მა სტუდენტმა მოიპოვა, ხოლო 400-ზე მეტი სტუდენტი სახელმწიფოს მიერ დაფინანსებულ პროგრამებზე ისწავლის.

წელს, როგორც უნივერსიტეტში „ბათუმელებს“ უთხრეს, გამოიყო ხუთი მიმართულება, რომლებზეც ყველაზე მეტი მოთხოვნაა:

  • ფსიქოლოგია
  • ზოგადი განათლების დაწყებითი საფეხურის მასწავლებლის მომზადების ინტეგრირებული საბაკალავრო-სამაგისტრო საგანმანათლებლო პროგრამა
  • ისტორია
  • ქართული ფილოლოგია
  • სამართალმცოდნეობა

რაც შეეხება ტექნიკურ და საბუნებისმეტყველო მიმართულებებს, მაგალითად, ფიზიკა, ბიოლოგია, მშენებლობა, ქიმია, ნავთობისა და გაზის მოპოვების, ტრანსპორტირებისა და შენახვის ტექნიკა და ტექნოლოგიები, ელექტრონიკა, ტელეკომუნიკაცია და ინტერნეტინჟინერია – მხოლოდ ნაწილობრივ შეივსო. ამ მიმართულებებზე სავალდებულო იყო მათემატიკის ჩაბარება.

ბსუ-ს ინფორმაციით, წინა წელთან შედარებით გაზრდილია მოთხოვნა სახელმწიფოს მიერ დაფინანსებულ პროგრამებზე, განსაკუთრებით ისტორიის, ქართული ფილოლოგიის, ზოგადი განათლების დაწყებითი საფეხურის მასწავლებლის მომზადების ინტეგრირებულ საბაკალავრო-სამაგისტრო საგანმანათლებლო პროგრამებზე, რაც აისახა კიდეც პროგრამების ხუთეულში.

„წელს პირველად, სრულად დაკომპლექტდა გერმანული და ფრანგული ფილოლოგიის მიმართულებები. ასევე, გაზრდილია სტუდენტების კონტინგენტი საბაკალავრო პროგრამებზე, „შევსების მაჩვენებელი გვაქვს 95 პროცენტი“, – ამბობენ ბსუ-ში.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com