Batumelebi | როგორ აშენდა ბათუმში 7 კორპუსი უკანონოდ? – დაპირისპირება ბათუმის საკრებულოში  როგორ აშენდა ბათუმში 7 კორპუსი უკანონოდ? – დაპირისპირება ბათუმის საკრებულოში  – Batumelebi
RU | GE  

როგორ აშენდა ბათუმში 7 კორპუსი უკანონოდ? – დაპირისპირება ბათუმის საკრებულოში 

ამ მოწვევის ბათუმის საკრებულო დღეს, 16 სექტემბერს, ბოლო სხდომას მართავს, რომელზეც ამ დროისთვის [11:40] შესვენება გამოცხადდა. მანამდე საკრებულოს წევრები ერთმანეთს  სიტყვიერად დაუპირისპირდნენ.

ენმ-ს წევრმა მირდატ ქამადაძემ სავარაუდოდ სუსიდან გამოჟონილ ფაილებთან დაკავშირებით გააკეთა განცხადება, რასაც მოჰყვა „ქართული ოცნების“ წევრის, ნატალია ზოიძის შეპასუხება, რომ ,,ნაციონალური მოძრაობის” დროს ადამიანებს უთვალთვალებდნენ და ვიდეოებს უღებდნენ.

საკრებულოს სხდომაზე დღეს მივიდნენ აქტივისტები და  ,,ნაციონალური მოძრაობის” ამომრჩევლები. ისინი ითხოვდნენ პასუხს კითხვაზე, როგორ მოხდა, რომ ბათუმში უკანონოდ აშენებენ 7 კორპუსს და ეს აქამდე ვერ შენიშნეს.

საქმე იმაშია, რომ გუშინ ოპოზიციური ერთობის ბათუმის მერობის კანდიდატმა, გიორგი კირთაძემ „აღმოაჩინა“ უკანონოდ აშენებული უბანი ბათუმში და ადგილზე გამოიძახა პოლიცია. მერიის მუნიციპალურ ინსპექციაში განაცხადეს, რომ იციან ამ უკანონო მშენებლობის შესახებ და არაერთგზის დააჯარიმეს მშენებელი კომპანია.

ადგილზე მშენებლობის პროცესი არც ჟურნალისტებისა და პოლიტიკოსების მისვლის შემდეგ შეჩერებულა.

საკრებულოში დღეს გააპროტესტეს ბათუმში 7 კორპუსის უკანონო მშენებლობა

ნეტგაზეთის მასალების სხვა გამოცემებში გადაბეჭდვის წესი
ავტორი