Batumelebi | ფარულ ჩანაწერებთან დაკავშირებით გამოძიება დაიწყო – პროკურატურა ფარულ ჩანაწერებთან დაკავშირებით გამოძიება დაიწყო – პროკურატურა – Batumelebi
RU | GE  

ფარულ ჩანაწერებთან დაკავშირებით გამოძიება დაიწყო – პროკურატურა

საქართველოს პროკურატურა აცხადებს, რომ გამოძიება დაიწყო მედიასაშუალებების მიერ ფარულ ჩანაწერებთან დაკავშირებით გავრცელებულ ინფორმაციაზე. „კერძო კომუნიკაციის საიდუმლოების დარღვევის ფაქტზე, საქართველოს სისხლის სამართლის კოდექსის 158-ე მუხლის 1-ლი და მე-2 ნაწილებით გათვალისწინებული დანაშაულის ნიშნებით“, – აცხადებს პროკურატურა.

მათივე განცხადებით, გამოძიების ფარგლებში ჩატარდება ყველა საჭირო საგამოძიებო და საპროცესო მოქმედება.

„მოვუწოდებთ ყველას, ვისთანაც შესაძლოა ინახებოდეს უკანონო ჩანაწერები და მასალები, გამოძიებასთან თანამშრომლობისკენ. ამასთან, იმ მედიასაშუალებებს, რომლებსაც გააჩნიათ აღნიშნული მასალა, მოვუწოდებთ ამჯერად მაინც ითანამშრომლონ გამოძიებასთან და მოგვაწოდონ მათ ხელთ არსებული მტკიცებულებები.

ასევე ყველას მოვუწოდებთ, თავი შეიკავონ პირადი და პერსონალური ინფორმაციის საჯაროდ გავრცელებისგან“, – აცხადებს პროკურატურა.

ფარულ ჩანაწერებზე ხელი მიუწვდება თითქმის ყველა მედიასაშუალებას.

___

შეგახსენებთ, რომ  ფარული ჩანაწერების ფაილები, სახელწოდებით „სუსის კომპრომატი საპატრიარქოს წინააღმდეგ”, გუშინ, 13 სექტემბერს, გავრცელდა ინტერნეტში.

ბმულზე ასობით ფაილია, რომლებშიც მოცემულია პირადი ინფორმაცია მართლმადიდებელი სასულიერო და სამოქალაქო პირების საჯარო და პირადი ცხოვრების, სექსუალური კავშირების შესახებ. ინფორმაციას თან ერთვის ფოტოები, პირადი ნომრები, ტელეფონის ნომრები.

გამომგზავნად  მითითებულია ჰაკიმ ფაშა.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com