Batumelebi | თურქეთში სატვირთო მანქანების შესასვლელად ნებართვების გაცემა ორშაბათს დაიწყება – სააგენტო თურქეთში სატვირთო მანქანების შესასვლელად ნებართვების გაცემა ორშაბათს დაიწყება – სააგენტო – Batumelebi
ნეტგაზეთი • RU

თურქეთში სატვირთო მანქანების შესასვლელად ნებართვების გაცემა ორშაბათს დაიწყება – სააგენტო

სახმელეთო ტრანსპორტის სააგენტოს ცნობით, თურქეთის რესპუბლიკაში დაუტვირთავი ავტოსატრანსპორტო საშუალებების შესვლის (სპეციალური) ნებართვების გაცემა, დაიწყება ორშაბათს, 13 სექტემბერს, დილის 9.00 საათიდან, სააგენტოს თბილისის, ბათუმისა და ფოთის ოფისებიდან.

„ხოლო, რაც შეეხება მე-3 ქვეყანაში/მე-3 ქვეყნიდან გადაზიდვის თურქეთის რესპუბლიკის ნებართვებს, მათი გაცემა დაიწყება, ასევე ერთდროულად, 20 სექტემბერს, დილის 9.00 საათიდან, სააგენტოს სამივე ოფისიდან“ – აცხადებს სახმელეთო ტრანსპორტის სააგენტო.

რამდენიმე დღის წინ სატვირთო ავტომანქანების მძღოლებმა ბათუმში, სახმელეთო ტრანსპორტის სააგენტოსთან საპროტესტო აქცია გამართეს. მძღოლები ტვირთის სხვა ქვეყნებში გადატანის ნებართვას ითხოვენ.

ამავე თემაზე:

სატვირთო ავტომანქანების მძღოლები ბათუმში აქციას მართავენ

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com