ავტორი: ტასო მხეიძე, მოსწავლე
___
ლიტერატურა სხვადასხვა სამყაროში მოგზაურობის საუკეთესო საშუალებაა. ის ყოველდღიური სადარდებელი თუ სირთულე, რასაც ცხოვრებაში ვაწყდებით, მარტივად შეგვიძლია წიგნის საშუალებით შევიმსუბუქოთ.
ვირჩევთ ავტორებს, რომლებიც ყველაზე უფრო ახლოს არიან ჩვენთან, იმ დრამატულობითა თუ მრავალფეროვანი სიუჟეტებით, რითაც ამხელა სიამოვნებას გვანიჭებენ. მაგალითად, მე გამოვყოფდი რამდენიმე მწერალს: ჰარუკი მურაკამი, ნინო ხარატიშვილი, ფიოდორ დოსტოევსკი, ჯემალ ქარჩხაძე, გაბრიელ მარკესი. მათ მოახერხეს ჩემთვის გაეცნოთ უცნობი, მისტიკური სამყარო, რის შესახებ აქამდე არაფერი არ ვიცოდი. თქვენც გირჩევდით, რომ თუ ამ ავტორების ნაწარმოებებს ბიბლიოთეკის თაროებზე მოკარით, თვალი აუცილებლად დაინტერესდეთ, რადგან მენდეთ, ძნელია იმდენად მიგიზიდოს მწერალმა, როგორც ამ რამდენიმე მთხრობელმა შეძლო.
საკმაოდ რთულია, დღევანდელ რეალობაში, ამ ქაოსურ, რუტინულ ყოფაში დრო გამონახო და წიგნის კითხვას შეუდგე, მაგრამ ბევრად გაგიადვილდებათ თუ ამ პროცესს მიუდგებით, როგორც განტვირთვის საშუალებას. კითხვა, როგორც დასჯის მეთოდი, არასდროს არ ამართლებს და რაც მთავარია, ბავშვებს იმ ხალისს უკარგავს, რითაც ყველაზე დიდ სიამოვნებას უნდა იღებდნენ.
ეს პროექტი არაჩვეულებრივი წამოწყებაა იმისთვის, რომ ყველას ჰქონდეს საშუალება აღმოაჩინოს, იმოგზაუროს და დატკბეს სხვადასხვა მწერლის შემოქმედებით, რაც მთავარია ჰქონდეს შესაძლებლობა გაექცეს ყოველდღიურ ცხოვრებას და თავი სხვა სამყაროს ნაწილადაც იგრძნოს.
დააკლიკე და შეავსე ცარიელი თაროები სოფლის ბიბლიოთეკებში
ან გადმორიცხეთ ჩვენს ანგარიშზე
სს “საქართველოს ბანკი”, ბანკის კოდი:BAGAGE22;
ანგარიშის ნომერი:
GE88BG0000000103117598
ა(ა)იპ თავისუფალ ჟურნალისტთა სახლი
