Batumelebi | შემოდგომაზე 12 წლის და უფროსი ასაკის ბავშვების აცრას ვგეგმავთ – გამყრელიძე შემოდგომაზე 12 წლის და უფროსი ასაკის ბავშვების აცრას ვგეგმავთ – გამყრელიძე – Batumelebi
RU | GE  

შემოდგომაზე 12 წლის და უფროსი ასაკის ბავშვების აცრას ვგეგმავთ – გამყრელიძე

დაავადებათა კონტროლის ეროვნული ცენტრის ხელმძღვანელმა ამირან გამყრელიძემ, დღეს 18 აგვისტოს, ონლაინკონფერენციაზე განაცხადა, რომ შემოდგომაზე 12 წლის და უფროსი ასაკის მოზარდების „ფაიზერით“ ვაქცინაცია შესაძლოა დაიწყოს.

„ბევრმა ქვეყანამ, თავიანთი მარეგულირებლების დასკვნების საფუძველზე, მიიღო გადაწყვეტილება და ცრიან 12 წლიდან და ზემოთ მოზარდებს, „ფაიზერით“ და „მოდერნათი“, რადგან კლინიკური კვლევები ამ ორ ვაქცინაზე დიდი ხანია დამთავრებულია და ვაქცინაცია საკმაოდ ეფექტურია.

ჩვენ ველოდებით ჯანმოს და მსოფლიოს წამლის სააგენტოს გადაწყვეტილებას და ვფიქრობ, რომ შემოდგომაზე ჩვენ დავიწყებთ თანდათან ამ ასაკის მოზარდების აცრას“ – ამბობს ამირან გამყრელიძე.

მისი თქმით, ამ საკითხზე მსჯელობა მიმდინარეობს როგორც იმუნიზაციის სამეცნიერო კომიტეტში, ასევე საკოორდინაციო საბჭოზეც.

შეგახსენებთ, რომ ამ დროისთვის კორონავირუსის საწინააღმდეგო ვაქცინაცია დაშვებულია ფაიზერით, 16 წლიდან, სონოფარმით კი 18 წლის ასაკიდან.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com