ჩრდილოეთ თურქეთში, შავიზღვისპირა რეგიონში, კასთამონუს პროვინციაში, 4 ადამიანი დაიღუპა წყალდიდობის შედეგად – ინფორმაციას ამის შესახებ თურქული მედია ავრცელებს თურქეთის კატასტროფებისა და საგანგებო სიტუაციების მართვის სამსახურზე დაყრდნობით.
ასევე, ბართინის პროვინციაში გრძელდება წყალდიდობის შედეგად დაკარგული ადამიანის ძიება.
7-11 აგვისტომდე ძლიერმა წვიმამ თურქეთში, ბართინის, კასტამონუსა და სინოპის პროვინციებში ძლიერი წყალდიდობა გამოიწვია.
თურქული მედიის ცნობით, წყალდიდობის შედეგად დაზარალებულ რაიონებში მოქმედებს კატასტროფების საკოორდინაციო ცენტრები.
___________
ფოტოზე: კასთამონუს რეგიონი, 11 აგვისტო. უპილოტო საფრენი აპარატის მიერ გადაღებული ფოტო. ევროპის პრესფოტო სააგენტო/EPA
