ძლიერი ხანძრის შედეგად საბერძნეთში, ჩრდილოეთ ატიკაში, ათეულობით ჰექტარი დაიწვა – მათ შორის ტყეები და ასამდე საცხოვრებელი სახლი. გუშინ, 3 აგვისტოს, ასობით ადამიანის ევაკუირება მოხდა ხანძრის გამო, 500-მდე მეხანძრე ებრძოდა ცეცხლს.
დღეის მონაცემებით ხანძრის ძირითადი ნაწილი ლოკალიზებულია, თუმცა ხანძრის კერები რჩება და მეხანძრე-მაშველები აგრძელებენ მუშაობას.
ბოლო დღეებში საბერძნეთში ხანძრის რამდენიმე კერა გაჩნდა სხვადასხვა ადგილას, რის მთავარ მიზეზადაც ჰაერის მაღალი ტემპერატურა სახელდება.