საელჩოს განცხადება თურქეთში, ხანძრის ზონაში მყოფი საქართველოს მოქალაქეებისთვის

საქართველოს საელჩო თურქეთში განცხადებას ავრცელებს და თურქეთში, მუღლასა და ანტალიის რეგიონებში მყოფ საქართველოს მოქალაქეებს, საჭიროების შემთხვევაში, საელჩოსთან დაკავშირებას ურჩევს.

„თურქეთის რესპუბლიკის მუღლასა და ანტალიის რეგიონები ბოლო პერიოდში გავრცელებული ტყის ხანძრების გამო გამოცხადებულია სტიქიური უბედურების ზონებად.

შექმნილი რთული ვითარებიდან გამომდინარე, საჭიროების შემთხვევაში, აღნიშნულ რეგიონებში მყოფ საქართველოს მოქალაქეებს შეუძლიათ დაუკავშირდნენ საქართველოს საელჩოს მითითებულ ნომრებზე:

ანკარაში საქართველოს საელჩო: +90 312 491 80 30; +90 312 491 80 34; +90 533 690 30 40; +90 539 220 82 80“ – აცხადებს საქართველოს საელჩო თურქეთში.

თურქეთში მეხუთე დღეა ებრძვიან ხანძრის კერებს. ბოლო ცნობებით დაღუპულია 8 ადამიანი, დაშავებულია და ევაკუირებულია ასობით პირი.

_____________
ფოტო: ევროპის პრესფოტო სააგენტო. EPA/ERDEM SAHIN