Batumelebi | თურქეთში მეორე დღეა ტყეები იწვის – გარდაცვლილია სამი ადამიანი თურქეთში მეორე დღეა ტყეები იწვის – გარდაცვლილია სამი ადამიანი – Batumelebi
RU | GE  

თურქეთში მეორე დღეა ტყეები იწვის – გარდაცვლილია სამი ადამიანი

თურქეთის ხმელთაშუაზღვის რეგიონი ტყის ხანძარს ებრძვის სამ პროვინციაში. ხანძარი ტყეებში ოთხშაბათს, 28 ივლისს, ოთხ სხვადასხვა ადგილზე გაჩნდა.

თურქული მედიის ინფორმაციით ხანძარმა სამი ადამიანი იმსხვერპლა. ევაკუირებულია რამდენიმე დასახლების მოსახლეობა.

დღეს, 29 ივლისს ხანძარი თურქეთის სამხრეთ პროვინციების დიდ ნაწილს მოედო.

ყველაზე ძლიერი ხანძარი იყო ანტალიის პროვინციის ქალა მანავგატში, რომელიც პოპულარულია დამსვენებლებს შორის. ხანძარი ოთხშაბათს შუადღისას ტყეებით გარშემორტყმული ქალაქის ოთხ სხვადასხვა ადგილას გაჩნდა, ქალაქის ცენტრამდე არ მისულა, მაგრამ დაზარალდა მის მახლობლად მდებარე სოფლები. ევაკუირებული იქნა თვრამეტი სოფელი და უბანი.

დამწვრობისა და კვამლის ჩასუნთქვის გამო 62 ადამიანი საავადმყოფოშია გადაყვანილი. კატასტროფებისა და საგანგებო სიტუაციების მართვის სამსახურმა ხუთშაბათს გამოაცხადა, რომ 122 ადამიანი დაზარალდა ხანძრისგან და 58 ჯერ კიდევ საავადმყოფოშია.

გამოცემა Dailysabah-ი წერს, რომ ოთხშაბათს ტყის 41 ხანძარი წარმოიშვა, მათგან 10 ისევ აქტიურია, დანარჩენების ლოკალიზება მოხერხდა.

მანავგატის გუბერნატორმა მუსტაფა იიღიტმა, გუშინ თქვა, რომ აალებამდე ჰაერის ტემპერატურა ამ რაიონში 44-45 გრადუსამდე იყო მომატებული.

თურქეთის მთავრობის თქმით, დღეს, 29 ივლისს ხანძრები სიცოცხლისთვის საშიშროებას აღარ წარმოადგენს; მიუხედავად ამისა, საჭიროა დამატებით ზომების გატარება, რადგან ხანძრები ბოლომდე ჩამქრალი ჯერაც არ არის და შესაძლოა ქარის კურსის შეცვლის შედეგად, კვლავ გავრცელდეს.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან