Batumelebi | ბათუმში ხმაურის ნორმის გადაჭარბების 11 ფაქტი გამოვლინდა ბათუმში ხმაურის ნორმის გადაჭარბების 11 ფაქტი გამოვლინდა – Batumelebi
RU | GE  

ბათუმში ხმაურის ნორმის გადაჭარბების 11 ფაქტი გამოვლინდა

ბათუმის მუნიციპალური ინსპექციის ცნობით, აკუსტიკური ხმაურის ნორმების გადაჭარბებაზე შეტყობინებით, ბათუმის მუნიციპალურ ინსპექციას წელს 34-მა პირმა მიმართა. ცხელ ხაზზე შესული შეტყობინების სპეციალური აპარატით გაზომვის შედეგად სამართალდარღვევის 11 ფაქტი გამოვლინდა.

„სამართალდამრღვევს ფაქტის დაფიქსირების შემდეგ პირველ ეტაპზე ეძლევა გაფრთხილება. განმეორების შემთხვევაში ფიზიკური პირი 150, იურიდიული პირი კი 500 ლარით ჯარიმდება; განმეორების შემთხვევა 300/1000 ლარის საჯარიმო სანქციას ითვალისწინებს“ – წერს ინსპექცია.

აკუსტიკური ხმაურის მონიტორინგი ოცდაოთხსაათიან რეჟიმში მიმდინარეობს. აღნიშნული მუხლი არ ვრცელდება დღის საათებში მიმდინარე სამშენებლო სამუშაოებსა და თვითმმართველობასთან შეთანხმებულ ღონისძიებებზე.

ხმაურის ნორმების გადაჭარბების დაფიქსირების შემთხვევაში დარეკეთ ნომერზე: 598 85 15 20.

___________

ფოტო: მუნიციპალური ინსპექცია

 

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.