მთავარი,სიახლეები

ხელვაჩაურში თიხისგან დამზადებული წყლის მილები იპოვეს – „შესაძლოა ეს იყო მეჩეთის სისტემა“

24.07.2021 • 2634
ხელვაჩაურში თიხისგან დამზადებული წყლის მილები იპოვეს – „შესაძლოა ეს იყო მეჩეთის სისტემა“

ხელვაჩაურში, სოფელ ვაშალომიძეებში, თიხისგან დამზადებული, წყლის ძველი მილები იპოვეს.

„მიწას ტრაქტორი თხრიდა და ამ დროს გამოჩნდა წყლის მილები. ეტყობოდა, რომ ძველი მილები იყო და სპეციალისტებს დავურეკეთ,“ – ამბობს მერაბ ღოღობერიძე, წყლის ძველი მილები მის ეზოში აღმოჩნდა.

„პირველადი დათვალიერებით, თიხის შემადგენლობით და ფაქტურის მიხედვით, ეს უნდა იყოს სავარაუდოდ მე-18, მე-19 საუკუნის, ან მე-20 საუკუნის 20-იანი წლების თიხის მილები. ეს არის წყალგაყვანილობის ძველი სისტემა, რომელიც შესაძლოა უკავშირდებოდეს ვაშალომიძეების ძველ მეჩეთს,“ – აღნიშნა „ბათუმელებთან“ ლაშა ალსანიშვილმა, აჭარის კულტურული მემკვიდრეობის დაცვის სააგენტოს არქეოლოგიური და არქიტექტურული კომპლექსების არქეოლოგიის და საგანმანათლებლო განყოფილების უფროსმა. მან ადგილზე დაათვალიერა თიხის მილები და მის გადატანას გონიო-აფსაროსის მუზეუმის ფონდში აპირებს, სადაც მილებს არქეოლოგები შეისწავლიან.

„ჩვენ შევაგროვეთ წყლის მილის სამი ფრაგმენტი, ნაწილი ისევ ამოსაღებია. მსგავსი ფაქტურის და სიძველის მილები სიახლე არ არის, მაგრამ, ბუნებრივია, საინტერესოა, რადგან ამ სოფელში ეს პირველი შემთხვევაა,“ – გვითხრა ლაშა ასლანიშვილმა.

თიხის ძველი მილები ხელვაჩაურში, სოფელ ვარშალომიძეებში აღმოაჩინეს

 

გადაბეჭდვის წესი


ასევე: