მთავარი,სიახლეები

„ცეროდენასთან“ ცენტრალურ პარკში სავალი ბილიკი მოღობეს – მერიაში არაფერი განმარტეს

23.07.2021 • 2135
„ცეროდენასთან“ ცენტრალურ პარკში სავალი ბილიკი მოღობეს – მერიაში არაფერი განმარტეს

ბათუმის ცენტრალურ პარკში, კაფე „ცეროდენასთან“ სავალ ბილიკზე გავლას ვეღარ შეძლებთ. აქ იმ შემთხვევაში მოხვდებით, თუ კაფეს მომსახურებით ისარგებლებთ და საზოგადოებრივი სარგებლობის ბილიკზე განთავსებულ მაგიდასთან დაჯდებით.

რატომ არ რეაგირებს ბათუმის მერია, მერიასთან ახლოს, ქალაქის ცენტრში სავალი ნაწილის მისაკუთრებაზე? – ბათუმის მერიის პრესცენტრს დღეს დილით მივმართეთ, თუმცა ამ დრომდე პასუხი ვერ მივიღეთ. მერიის პრესცენტრს ვუთხარით ისიც, რომ ეს სავალი ნაწილი მინიმუმ ერთი კვირა მისაკუთრებულია.

„ცეროდენამ“ ცენტრალური პარკის სავალი ნაწილის მითვისება წლის დასაწყისშიც სცადა. მაშინ „ბათუმელებთან“ კაფეს მესაკუთრემ, თენგიზ ქოქოლაძემ განმარტა, რომ რკინის კონსტრუქციას ბილიკზე მუშა შემთხვევით ამონტაჟებდა. რკინის კონსტრუქცია მაშინ მოშალეს, რამდენიმე დღის წინ კი, აქ ღობე თოკებით მოაწყვეს.

„ბათუმელების“ სატელეფონო ზარებს თენგიზ ქოქოლაძემ ამჯერად აღარ უპასუხა.

 

ამ ფორმით ჩაიკეტა ცენტრალური პარკის სავალი ნაწილი ახლა

გადაბეჭდვის წესი


ასევე: