Batumelebi | უკრაინელი სამხედროების შეწყალება ზელენსკისთან იყო შეთანხმებული – პრეზიდენტის ადმინისტრაცია უკრაინელი სამხედროების შეწყალება ზელენსკისთან იყო შეთანხმებული – პრეზიდენტის ადმინისტრაცია – Batumelebi
RU | GE  

უკრაინელი სამხედროების შეწყალება ზელენსკისთან იყო შეთანხმებული – პრეზიდენტის ადმინისტრაცია

„საქართველოს პრეზიდენტმა უკრაინელი მეზღვაურები შეიწყალა. საქართველოს პრეზიდენტმა შეწყალების აქტი 17 ივლისს გამოსცა, რომელიც ძალაში 19 ივლისს შევიდა. ეს ორ პრეზიდენტს შორის იმ შეთანხმების შესრულებაა, რომელიც კიევში ოფიციალური ვიზიტისას შედგა“, – აცნობეს „ბათუმელებს“ საქართველოს პრეზიდენტის, სალომე ზურაბიშვილის ადმინისტრაციიდან.

დღეს, საქართველოში უკრაინის პრეზიდენტის ვოლოდიმერ ზელენსკის ვიზიტის დაწყებამდე ცნობილი გახდა, რომ სალომე ზურაბიშვილმა სამი მსჯავრდებული შეიწყალა. „სააკაშვილის ზღვით შემოყვანის“ ეგრეთ წოდებულ საქმეზე 2 ბრალდებული უკრაინელი ოფიცერი იყო, ერთი მათგანი კი საქართველოს მოქალაქე, ექსპრეზიდენტ მიხეილ სააკაშვილის დაცვის წევრი.

სამივე მათგანს რამდენიმე დღის წინ 4-4 წლით თავისუფლების აღკვეთა შეუფარდეს ბათუმის საქალაქო სასამართლოში.

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან