დღეს, 14 ივლისს, საქართველოში შემოვიდა კორონავირუსის საწინააღმდეგო ვაქცინა „ფაიზერი“. ამ დრომდე უცნობია „ფაიზერის“ კონკრეტულად რამდენი დოზაა შემოტანილი ქვეყანაში.
„ფაიზერით“ იმუნიზაცია მოქალაქეებს პირველ ეტაპზე 7 სამედიცინო დაწესებულებაში შეეძლებათ. ესენია:
- „ამტელ ჰოსპიტალ პირველი კლინიკური“
- „კავკასიის მედიცინის ცენტრი“
- „აკადემიკოს ნიკოლოზ ყიფშიძის სახელობის საუნივერსიტეტო კლინიკა“
- „ივ.ბოკერიას სახელობის ჰოსპიტალი“
- ქ. ბათუმში „რესპუბლიკური კლინიკური საავადმყოფო“
- ქ. ქუთაისში „დასავლეთ საქართველოს სამედიცინო ცენტრი“
- ქ. გორში „გიორგი აბრამიშვილის სახელობის საქართველოს თავდაცვის სამინისტროს სამხედრო ჰოსპიტალი“
„ფაიზერით“ ვაქცინაციისთვის რეგისტრაცია მოქალაქეებს დღეს, 15:00 საათიდან შეეძლებათ, აცრის პროცესი კი 16 ივლისიდან დაიწყება.
რეგისტრაციისთვის უნდა შეხვიდეთ ამ ბმულზე.
ჯანდაცვის სამინისტროს ცნობით, ვაქცინის დაჯავშნა შესაძლებელია უშუალოდ დაწესებულების ცხელ ხაზზე. გარდა ამისა, ვაქცინაციაზე რეგისტრაციისთვის მოქმედებს ერთიანი სამთავრობო ცხელი ხაზის სპეციალური ნომერი – 144-3.
სამინისტრო აცხადებს, რომ ვაქცინაციის მსურველებს დარეგისტრირება შეუძლიათ პირდაპირ კლინიკაში ვიზიტის დროსაც.
„ფაიზერის“ ვაქცინაციისთვის საჭირო 2 დოზა 21-28 დღის ინტერვალით კეთდება.
