ნეტგაზეთი • RU

ჟურნალისტის თქმით, მას პარლამენტარმა ხელი ჩაარტყა

„მთავარი არხის“ ჟურნალისტი ნენე დალაქიშვილი დეპუტატ ვასილ ჩიგოგიძეს ცემაში ადანაშაულებს. ჟურნალისტის თქმით, დღეს, 12 ივლისს, დილით, პარლამენტის სხდომათა დარბაზში მომხდარი დაპირისპირების დროს დეპუტატმა მას ხელი ჩაარტყა და სიტყვიერი შეურაცხყოფაც მიაყენა.

„ფერდში მკრა და მითხრა „წადი შე თხაო“, ორსაფეხურიან კიბეზე ვიდექი, აკო მინაშვილმა დამიჭირა, მაგრამ კარგად ჩამარტყა,“ – იხსენებს ჟურნალისტი.

დილას მომხდარი დაპირისპირების შემდეგ ჟურნალისტებმა ვასილ ჩიგოგიძე ერთ-ერთ კაფეში შესვლის დროს დაინახეს და მას კითხვები დაუსვეს. ვასილ ჩიგოგიძემ მათ შეკითხვებს არ უპასუხა და უარყო მთავარი არხის ჟურნალისტისთვის ხელის ჩარტყმა.

დეპუტატი ამჟამად პარლამენტის მიმდებარედ, ერთ-ერთ კაფეშია. კაფეს შესასვლელს ათზე მეტი პოლიციელი იცავს.

კაფესთან, რომელშიც ჩიგოგიძე იმყოფება, მივიდა ჟურნალისტი ნენე დალაქიშვილიც, თუმცა პოლიციამ ის კაფეში არ შეუშვა.

___

მთავარ ფოტოზე: კაფეს შესასვლელს პოლიცია იცავს

ნეტგაზეთის მასალების სხვა გამოცემებში გადაბეჭდვის წესი
ავტორი