Batumelebi | H1N1 ვირუსით გარდაცვლილთა რიცხვი აჭარაში ერთით გაიზარდა H1N1 ვირუსით გარდაცვლილთა რიცხვი აჭარაში ერთით გაიზარდა – Batumelebi
RU | GE  

H1N1 ვირუსით გარდაცვლილთა რიცხვი აჭარაში ერთით გაიზარდა

H1N1 ვირუსით გარდაცვლილთა რიცხვი აჭარაში ერთით გაიზარდა. დღეს, 9 თებერვალს, აღნიშნული ვირუსით გარდაიცვალა 66 წლის მამაკაცი, რომელიც ბათუმის რესპუბლიკურ საავადმყოფოში 29 იანვრიდან იყო მოთავსებული H1N1 დიაგნოზით.

აჭარის საზოგადოებრივი ჯანდაცვის ცენტრის ინფორმაციით, 9 თებერვლის 17:30 საათის მდგომარეობით „გრიპისა და მწვავე რესპირატორულ დაავადებათა სიმპტომებით აჭარის ამბულატორიულ სამედიცინო დაწესებულებებს მიმართა 305-მა პაციენტმა. სტაციონარში მკურნალობის კურსს გადის 127 პაციენტი, რეანიმაციულ განყოფილებაში მოთავსებულია 13 პაციენტი.

ბოლო მონაცემებით აჭარაში გრიპის 2015–2016 წლის ეპიდსეზონზე ლაბორატორიული კვლევისთვის აღებული იქნა სულ 72 ნიმუში. 48 შემთხვევაში დადასტურდა A/H1p. 5 პაციენტი გარდაიცვალა, 40 პრაქტიკულად გამოჯანმრთელდა“.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com