ნეტგაზეთი • RU

სპორტული კომპლექსი დიდთოვლობის შემდეგ

ბათუმში, ყინულის სასახლის გვერდით არსებული ანალოგიური ტიპის კონსტრუქცია – მრავალფუნქციური სპორტული კომპლექსი დიდთოვლობის შემდეგ კვლავ დაშვებულია.

ბათუმის სპორტულ-ახალგაზრდული ცენტრის იურისტი (კომპლექსის მესაკუთრე ეს ცენტრია) შოთა დავითაძე ამბობს, რომ მრავალფუნქციური სპორტული კომპლექსის აღდგენითი სამუშაოები უახლეს დღეებში დაიწყება:

IMG1328„სპორტულ კომპლექსს მცირედი დაზიანებები აქვს. აღდგენითი სამუშაოები ამ ეტაპზე შეჩერებულია, რადგან პასუხს ველოდებით სადაზღვევო კომპანიისგან. ჩვენ კომპანიის მიერ მოთხოვნილი ყველა დოკუმენტაცია, ხარჯთაღრიცხვა, წარდგენილი გვაქვს. ახლა ველოდებით შესაბამისი აქტის გაფორმებას, თანხა რომ ჩამოგვირიცხონ, რის შემდეგაც დავიწყებთ აღდგენით სამუშაოებს“.

რაც შეეხება თავად ყინულის მოედანს, შოთა დავითაძის თქმით, ყინულის მოედანი უკვე გამართულ მდგომარეობაშია. „დიდთოვლობის დროს ყინულის მოედანიც გავაჩერეთ, მაგრამ უკვე გამზადებულია და მუშაობს. ბავშვებიც ემზადებიან“, – უთხრა „ბათუმელებს“ შოთა დავითაძემ.

მრავალფუნქციური სპორტული კომპლექსი სადაზღვევო კომპანია „ალდაგშია“ დაზღვეული.

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან