ტრენინგი „დემოკრატიის ინსტიტუტში“

9-11 თებერვალს ბათუმში, „დემოკრატიის ინსტიტუტის“ ოფისში, რეგიონული არასამთავრობო ორგანიზაციებისა და საინიციატივო ჯგუფებისთვის ტრენინგი მიმდინარეობს თემაზე – საგრანტო განაცხადის მომზადება – პროექტის წერა და დაფინანსების მოძიება.

ტრენინგის მიზანია ეკომიგრაციის საკითხებზე მომუშავე არასამთავრობო ორგანიზაციებისა და საინიციატივო ჯგუფების გაძლიერება.

ტრენინგს ესწრებიან მსმენელი ლაგოდეხიდან, წალკიდან, გარდაბნიდან, ბოლნისიდან და დუშეთიდან, სულ 20 მონაწილე.

ტრენერები არიან გენო გელაძე და ტიტე აროშიძე.

ტრენინგის დასრულების შემდეგ „დემოკრატიის ინსტიტუტი“ ტრენინგში მონაწილე არასამთავრობო ორგანიზაციების, სათემო კავშირებისა და საინიციატივო ჯგუფებისათვის საგრანტო კონკურსს გამოაცხადებს.

ტრენინგები ტარდება ევროკავშირის მხარდაჭერით მიმდინარე პროექტის – „ეკომიგრანტი და პოტენციური ეკომიგრანტი ოჯახების ადვოკატირების კამპანიის“ ფარგლებში.

ტრენინგი დემოკრატიის ინსტიტუტში